هنلعبها إزاي أصلاً؟
مش محتاج تقرا كتيّب. خمس دقايق هنا وتبقى جاهز لأول دور، وكمان تعرف تحكم لو حد عمل نفسه مش فاهم.
- ٤ بليات لكل لاعب
- من ٤ لـ ٦ لاعيبة
- ٦٠ لـ ٩٠ دقيقة
الفكرة في سطر
اللعبة كلها رحلة لبلياتك الأربعة من أول الملعب لآخره.
وطول الطريق هتاكل وتتاكل، وتبدّل، وترجع لورا. وده كل الحلو.
هتلعبوا كام واحد؟
العدد هو اللي بيحدد هتلعبوا فرق ولا كل واحد لنفسه.
العدد زوجي؟ بتلعبوا فرق، كل اتنين مع بعض. العدد فردي؟ كل واحد بيلعب لوحده.
اعرف الملعب
كل لاعب ليه ٣ أماكن على اللوح، ولازم تعرفهم قبل ما تمسك أي كارت.
-
١
البيت
هنا بلياتك الأربعة مستنية تطلع. محدش بيخرج من هنا غير بكارت معيّن.
-
٢
نقطة البداية
أول خانة بتنزل عليها البلية لما تطلع من البيت، ومنها تبدأ تلف الملعب.
-
٣
حارة الأمان
آخر المشوار. دخّل بلياتك الأربعة هنا وتبقى خلاص على باب الفوز.
يلا نبدأ
التحضير بياخد دقيقة.
-
١
كل واحد يختار لون
كل لاعب ياخد ٤ بليات بنفس اللون ويحطهم في بيته.
-
٢
اختاروا اللي هيوزع
حد يمسك الكروت ويفنّطهم كويس.
-
٣
٤ كروت لكل واحد
في كل توزيعة كل واحد ياخد ٤ كروت، وفي آخر توزيعة ياخد ٥.
-
٤
انزل بكارت
كل واحد في دوره بيلعب كارت طبعا من اختياره حسب اللعب
-
٥
الكروت خلصت؟
بتاخدو الكروت من على الارض وتبدو توزعوها تاني
الكروت بتعمل إيه؟
كل كارت مكتوب عليه هو بيعمل إيه، بس الألوان هتسهّلها عليك.
أصفر: الماسترالوحيدين اللي بيطلّعوك من البيت
أحمر: الأكشنحركات خاصة بتقلب اللعبة
أسود: العاديةبتمشّيك لقدام بعدد الرقم
كروت الماستر
كارت ١
طلّع بلية من البيت لنقطة البداية، أو امشي ١١ خطوة، أو خطوة واحدة. على حسب ما يناسبك.
كارت ١٣
طلّع بلية من البيت، أو امشي ١٣ خطوة وكُل كل اللي في طريقك. إلا اللي واقف على نقطة البداية بتاعته.
كروت الأكشن
كارت ارجع لورا
ارجع ٤ خطوات لورا. لورا بس، مفيش قدام.
كارت ٥
امشي ٥ خطوات، أو حرّك أي بلية تانية ٥ خطوات، حتى لو بتاعة الخصم. إلا اللي واقف على نقطة البداية بتاعته.
كارت ٧
امشي ٧ خطوات، أو قسّمهم على بليتين من بلياتك: ١ و٦، أو ٢ و٥، أو ٣ و٤.
كارت ١٠
امشي ١٠ خطوات، أو خلّي اللي على يمينك يحرق كارت وميلعبش دوره.
كارت التبديل
بدّل مكان بليتك مع أي بلية في اللعبة. إلا اللي واقفة على نقطة البداية بتاعتها.
الكروت العادية
٢، ٣، ٦، ٨، ٩، ١٢: امشي لقدام بعدد الرقم اللي على الكارت. من غير لف ولا دوران.
القواعد اللي لازم تعرفها
دي اللي بتحسم الخناقات. احفظها كويس.
الخروج من البيت
مش هتطلع من البيت غير بكارت ١ أو ١٣. ولو عندك بلية لسه واقفة على نقطة البداية، مش هتعرف تطلّع غيرها.
نقطة البداية خط أحمر
البلية اللي واقفة على نقطة البداية بتاعتها محدش يعدّي من فوقها ولا ياكلها ولا يبدّل معاها. هي بس اللي تقدر تبدّل.
بليتين ورا بعض
لو حطيت بليتين ورا بعض، بيبقوا زي البيت: محدش يقدر يعدّيك ولا ياكلك ولا يبدّل معاك.
الأكل
عشان تاكل بلية لازم تقف عليها بالظبط، أو تلعب كارت ١٣ اللي بياكل كل اللي في طريقه. البلية اللي تتاكل بترجع بيتها.
الدخول لحارة الأمان
لازم تدخلها بالترتيب، ومفيش بلية تعدّي من فوق التانية جوه الحارة.
الكلام ده جوه حارة الأمان بس.كارت ٥ على باب الحارة
لو انت قريب من حارة الأمان وشريكك لعب ٥، يقدر يدخّلك. ولو الخصم هو اللي لعبه عليك، هيمشّيك ٥ خطوات لقدام.
فرقشريكك خلّص؟
لو شريكك دخّل بلياته الأربعة حارة الأمان، يبدأ يحرّك بلياتك انت بكروته.
فرقآخر بلية
لو فريقكم فاضله آخر بلية، ومحتاجة مثلاً ٣ خطوات عشان تدخل، وشريكك معاه ٧، يقدر يقسمه عليه وعليك.
ده لآخر بلية بس.لازم تلعب
لو في إيدك كارت ينفع يتلعب، لازم تلعبه. مينفعش تحرق كارت طول ما معاك كارت ينفع.
مين يكسب؟
أول فريق يدخّل كل بلياته حارة الأمان هو الكسبان. ولو بتلعبوا فردي، أول واحد يدخّل بلياته الأربعة.
مبروك… دور كمان؟ ارجع للأوللسه معندكش جاكارو؟
اختار اللوح اللي على مقاس قعدتك. كله خشب، ومعاه الكروت والبلي.
جاكارو ٤ لاعيبة
LE 1,095
اطلب دلوقتي
جاكارو ٦ لاعيبة
LE 1,495
اطلب دلوقتي
جاكارو فلكس (٤ لـ ٦)
LE 1,199
اطلب دلوقتي
ميني جاكارو
LE 745
اطلب دلوقتيلسه عندك سؤال؟ كلّمنا واتساب على 01101441110
تواصل معانا